Kuri iki Cyumweru tariki 8 Werurwe 2026 ku isi hose no mu Rwanda,hizihijwe umunsi mpuzamahanga w'umugore aho mu karere ka Ngoma wizihirijwe mu murenge wa Gashanda.Ni umunsi wizihirijwe ku nsanganyamatsiko igira iti: “Umugore ni uw’agaciro.”

Abatuye muri uyu murenge bifatanyije kwizihiza uyu munsi n'itsinda ry’Abadepite bari mu Ihuriro ry’Abagize Inteko Ishinga Amategeko baharanira kurwanya ruswa (FFRP),riyobowe na Hon. KANYANDEKWE Christine. 

Muri ibi birori,hagaragajwe uruhare rukomeye abagore bafite mu iterambere ry’imiryango n’iry’igihugu muri rusange.Hashimwe intambwe imaze guterwa mu guteza imbere uburinganire n’ubwuzuzanye hagati y’abagabo n’abagore, banashishikariza abaturage gukomeza guha agaciro umugore no kumushyigikira mu bikorwa by’iterambere.

Hon. KANYANDEKWE Christine yagaragaje ko kwizihiza uyu munsi ari umwanya mwiza wo kongera kwibutsa buri wese ko umugore afite agaciro gakomeye mu muryango no mu gihugu, asaba ko hakomeza gushyirwa imbaraga mu kumuteza imbere no kumurinda ihohoterwa iryo ari ryo ryose.

Muri ibi birori imiryango 3 yabanaga mu bwumvikane yasezeranye kubana byemewe n'amategeko.Igikorwa cyayobowe n'umwanditsi w'irangamimerere mu Karere ka Ngoma NIYONAGIRA Nathalie.

Muri ibi birori kandi habaye igikorwa cyo kuremera harimo imiryango 2 yahawe inka abandi bahabwa ibiribwa.

Kuri iki Cyumweru tariki 8 Werurwe 2026 ku isi hose no mu Rwanda,hizihijwe umunsi mpuzamahanga w'umugore aho mu karere ka Ngoma wizihirijwe mu murenge wa Gashanda.Ni umunsi wizihirijwe ku nsanganyamatsiko igira iti: “Umugore ni uw’agaciro.”

Abatuye muri uyu murenge bifatanyije kwizihiza uyu munsi n'itsinda ry’Abadepite bari mu Ihuriro ry’Abagize Inteko Ishinga Amategeko baharanira kurwanya ruswa (FFRP),riyobowe na Hon. KANYANDEKWE Christine. 

Muri ibi birori,hagaragajwe uruhare rukomeye abagore bafite mu iterambere ry’imiryango n’iry’igihugu muri rusange.Hashimwe intambwe imaze guterwa mu guteza imbere uburinganire n’ubwuzuzanye hagati y’abagabo n’abagore, banashishikariza abaturage gukomeza guha agaciro umugore no kumushyigikira mu bikorwa by’iterambere.

Hon. KANYANDEKWE Christine yagaragaje ko kwizihiza uyu munsi ari umwanya mwiza wo kongera kwibutsa buri wese ko umugore afite agaciro gakomeye mu muryango no mu gihugu, asaba ko hakomeza gushyirwa imbaraga mu kumuteza imbere no kumurinda ihohoterwa iryo ari ryo ryose.

Muri ibi birori imiryango 3 yabanaga mu bwumvikane yasezeranye kubana byemewe n'amategeko.Igikorwa cyayobowe n'umwanditsi w'irangamimerere mu Karere ka Ngoma NIYONAGIRA Nathalie.

Muri ibi birori kandi habaye igikorwa cyo kuremera harimo imiryango 2 yahawe inka abandi bahabwa ibiribwa.