Kuri uyu wa Gatanu Tariki ya 24 Mutarama 2025 ,Ku Kibuga cy'umupira w'amaguru giherereye mu kagari ka Ruhunda mu murenge wa Gishari habereye umukino wa 1/2 cy'irishanwa ry'umurenge Kagame Cup ,umukino warangiye Umurenge wa Gishari wari imbere y'abafana bawo utsinze Umurenge wa Gahengeri.

Uyu mukino wakurikiranwe n'umunyamakuru wa Realrwanda.rw watangijwe na Richards Kagabo Rwamunono, umuyobozi w'Akarere wungirije ushinzwe iterambere ry'ubukungu mu karere ka Rwamagana.

Igice cya mbere ikipe ya Gahengeri niyo yageregezaga guhererekanya umupira ariko abasore b'uwo Murenge bakananirwa gutsinda ibitego. Ibi byatumye igice cya mbere kirangiye nta muzamu uhindukijwe ngo akure umupira mu nshundura .

Mu gice cya Kabiri Gahengeri yabonye igitego cyayo cyatsinzwe na Ntagungirwa Samuel wari wambaye Numero 4.Gishari yari imbere y'abafana bayo yatsinze igitego cyo kwishyura,ni igitego cyatsinzwe na Nzayituriki Alphonse ku munota wa 82 w'umukino.

Iminota 90 yarangiye amakipe anganya igitego 1 kuri 1 . Kugira ngo hamenyekanye ikipe izakina umukino wa nyuma w'Umurenge Kagame Cup mu karere ka Rwamagana hitabajwe penarite Gishari itsinda penaliti 4 kuri 2.

Umuzamu wa Gishari niwe wahesheje intsinzi Umurenge wa Gishari nyuma yo gukuramo penalite ebyeri zose.

Undi mukino waberega kuri stade ya Nzige wahuzaga ikipe y'umurenge wa Rubona n'uwa Nzige yari imbere y'abafana benshi,ariko ntiyabasha kwitwara neza birangira Rubona itahukanye intsinzi.

Ni umukino warumbutsemo ibitego kuko wabonetsemo ibitego bitanu,Nzige yinjije ibitego bibiri mu gihe Rubona yatsinze ibitego 3 (Nzige 2-3 Rubona).

Umukino wa nyuma w'irushanwa ry'Umurenge Kagame Cup uzahuza umurenge wa Rubona na Gishari iyi yari yegukanye igikombe giheruka muri iri rushanwa.

Undi mukino wahuje Nzige na Rubona

Turatsinze Hassan/Realrwanda.com

Kuri uyu wa Gatanu Tariki ya 24 Mutarama 2025 ,Ku Kibuga cy'umupira w'amaguru giherereye mu kagari ka Ruhunda mu murenge wa Gishari habereye umukino wa 1/2 cy'irishanwa ry'umurenge Kagame Cup ,umukino warangiye Umurenge wa Gishari wari imbere y'abafana bawo utsinze Umurenge wa Gahengeri.

Uyu mukino wakurikiranwe n'umunyamakuru wa Realrwanda.rw watangijwe na Richards Kagabo Rwamunono, umuyobozi w'Akarere wungirije ushinzwe iterambere ry'ubukungu mu karere ka Rwamagana.

Igice cya mbere ikipe ya Gahengeri niyo yageregezaga guhererekanya umupira ariko abasore b'uwo Murenge bakananirwa gutsinda ibitego. Ibi byatumye igice cya mbere kirangiye nta muzamu uhindukijwe ngo akure umupira mu nshundura .

Mu gice cya Kabiri Gahengeri yabonye igitego cyayo cyatsinzwe na Ntagungirwa Samuel wari wambaye Numero 4.Gishari yari imbere y'abafana bayo yatsinze igitego cyo kwishyura,ni igitego cyatsinzwe na Nzayituriki Alphonse ku munota wa 82 w'umukino.

Iminota 90 yarangiye amakipe anganya igitego 1 kuri 1 . Kugira ngo hamenyekanye ikipe izakina umukino wa nyuma w'Umurenge Kagame Cup mu karere ka Rwamagana hitabajwe penarite Gishari itsinda penaliti 4 kuri 2.

Umuzamu wa Gishari niwe wahesheje intsinzi Umurenge wa Gishari nyuma yo gukuramo penalite ebyeri zose.

Undi mukino waberega kuri stade ya Nzige wahuzaga ikipe y'umurenge wa Rubona n'uwa Nzige yari imbere y'abafana benshi,ariko ntiyabasha kwitwara neza birangira Rubona itahukanye intsinzi.

Ni umukino warumbutsemo ibitego kuko wabonetsemo ibitego bitanu,Nzige yinjije ibitego bibiri mu gihe Rubona yatsinze ibitego 3 (Nzige 2-3 Rubona).

Umukino wa nyuma w'irushanwa ry'Umurenge Kagame Cup uzahuza umurenge wa Rubona na Gishari iyi yari yegukanye igikombe giheruka muri iri rushanwa.

Undi mukino wahuje Nzige na Rubona

Turatsinze Hassan/Realrwanda.com