Urubyiruko rutangiye urugerero rudaciye ingando rwo mu karere ka Ngoma ruravuga ko mu bikorwa biyemeje kuzakora bizamura imibereho yabaturage,bazirikanye no ku kibazo gikomereye kibangamiye umuryango nyarwanda cyamakimbirane yo mu ngo kuko kigira ingaruka ku iterambere ryumuryango,iryigihugu ndetse kikabangamira bikomeye urubyiruko bagenzi babo.

Kimwe n'ahandi mu gihugu, kuri uyu wa Mbere tariki 14 Ugushyingo 2022 nibwo mu karere ka Ngoma hatangijwe urugerero rudaciye ingando rw'inkomezabigwi ikiciro cya 10,rufite insanganyamatsiko igira iti "Duhamye umuco w'ubutore twimakaza ubumwe n'ubudaheranwa".Ni urubyiruko rugizwe n'abanyeshuri basoje umwaka wa gatandatu w'amashuri yisumbuye mu mwaka  wa 2021/2022.  

Muri uru rugerero,hari ibikorwa biyemeje kuzakora kugira ngo batange umusanzu ku gihugu cyababyaye bagerageza gucyemura bimwe mu bibazo bibangamiye abaturage n'igihugu muri rusange.

Bamwe mu rubyiruko rwo mu murenge wa Kibungo baganiriye na Realrwanda.com, bavuga ko mu byo biyemeje gukora bitandukanye,harimo ibyo gucyemura ibibazo bibangamiye imibereho myiza y'abaturage kuko babonye ko badatanze umusanzu mu gucyemura ibyo bibazo, nabo baba bagize uruhare mu kudindiza iterambere ryigihugu.Muri ibyo kandi ngo ntabwo birengagije n'ikibazo gikomereye umuryango nyarwanda cy'amakimbirane yo mu miryango kuko agira ingaruka ku rubyiruko bagenzi babo.

Ishimwe Tunga Christella ati"Mu bintu twavuze tuzakora bikomeye harimo no kuganiriza imiryango irimo amakimbirane tukareba ko twabishobora,ubwo mu byo dushoboye tukaba twabaganiriza,twabona bigeze aho bisumbye ubushobozi bwacu tukabigeza mu nzego.Ni ikibazo gikomeye kuko iyo miryango irangwamo amakimbirane niyo izatuma abana bagenzi bacu bashobora kugira imico itari myiza bikuriye ku kuba mu miryango yabo atari byiza,ibyo rero bikaba byadutera ipfunwe ry'uko ntacyo twakoze kugira ngo urubyiruko rwacu dufashe imiryango yarwo kubana mu mahoro".

Mugenzi we witwa Sugira Pascal ati"Tuzaganiriza abantu bafite ibibazo bitandukanye mu miryango birimo amakimbirane yo mu miryango,aya atuma urubyiruko rwishora mu bikorwa bitari byiza nk'ibiyobyabwenge.Birumvikana twe ku giti cyacu turi abana, ariko turimo n'abantu bakuru kandi turi kumwe nanone n'abantu bakuru.Ubwo rero ntabwo tuzajya gucyemura ibibazo by'amakimbirane yo mu ngo turi twenyine.Hari abo turi gukorana bo ku rwego rw'akagari ndetse n'urw'umudugudu,ubwo ni ukwegera abo bayobozi mbese uwo twageraho bakadufasha kumwumvisha ko turi mu gikorwa cyo kunga imiryango ifitanye amakimbirane.Ariko nk'intore tugomba kubikora kuko birahangayikishije".

Umuyobozi w'Akarere Niyonagira Nathalie asaba urubyiruko rugiye ku rugerero kuzakorana umurava kugira ngo bazabashe gusoza ibyo biyemeje ariko abibutsa ko mu byo bazakora byose bazazirikana indangagaciro na kirazira by'ubunyarwanda ndetse bakirinda kwishora mu ngeso mbi. 

Ati: "Rubyiruko rwacu,uru rugerero mugiyemo tubitezeho gukora ibikorwa byiza bihindura imibereho y'abaturage aho mutuye kandi muzirikane ko gukunda igihugu ari ukukitangira ugatanga imbaraga ufite mubikorwa bigiteza imbere".

Akomeza agira Ati: "Ntabwo dukwiye kubona urubyiruko rwishora mu mico mibi nko kunywa inzoga, ibiyobyabwenge, inda ziterwa abangavu [... ],ahubwo mukwiye gukoresha imbaraga mufite muharanira kuzamura imibereho myiza, iterambere n'ubumwe bw'Abanyarwanda".

Mu bindi bikorwa urubyiruko ruri ku rugerero mu karere ka Ngoma ruteganya gukora muri iki gihe kingana n'amezi abiri y'urugerero, harimo kubakira inzu abatishoboye, gukora uturima tw'igikoni, kuganiriza urubyiruko ku kwirinda ibikorwa bitari byiza, kurwanya ibiyobwenge n'ingeso mbi ndetse no gukora n'ibindi bitandukanye bigamije kuzamura imibereho y'abaturage.

Urugerero ku rwego rw'akarere ka Ngoma rwatangiriye mu murenge wa Sake

Urubyiruko rutangiye urugerero rudaciye ingando rwo mu karere ka Ngoma ruravuga ko mu bikorwa biyemeje kuzakora bizamura imibereho yabaturage,bazirikanye no ku kibazo gikomereye kibangamiye umuryango nyarwanda cyamakimbirane yo mu ngo kuko kigira ingaruka ku iterambere ryumuryango,iryigihugu ndetse kikabangamira bikomeye urubyiruko bagenzi babo.

Kimwe n'ahandi mu gihugu, kuri uyu wa Mbere tariki 14 Ugushyingo 2022 nibwo mu karere ka Ngoma hatangijwe urugerero rudaciye ingando rw'inkomezabigwi ikiciro cya 10,rufite insanganyamatsiko igira iti "Duhamye umuco w'ubutore twimakaza ubumwe n'ubudaheranwa".Ni urubyiruko rugizwe n'abanyeshuri basoje umwaka wa gatandatu w'amashuri yisumbuye mu mwaka  wa 2021/2022.  

Muri uru rugerero,hari ibikorwa biyemeje kuzakora kugira ngo batange umusanzu ku gihugu cyababyaye bagerageza gucyemura bimwe mu bibazo bibangamiye abaturage n'igihugu muri rusange.

Bamwe mu rubyiruko rwo mu murenge wa Kibungo baganiriye na Realrwanda.com, bavuga ko mu byo biyemeje gukora bitandukanye,harimo ibyo gucyemura ibibazo bibangamiye imibereho myiza y'abaturage kuko babonye ko badatanze umusanzu mu gucyemura ibyo bibazo, nabo baba bagize uruhare mu kudindiza iterambere ryigihugu.Muri ibyo kandi ngo ntabwo birengagije n'ikibazo gikomereye umuryango nyarwanda cy'amakimbirane yo mu miryango kuko agira ingaruka ku rubyiruko bagenzi babo.

Ishimwe Tunga Christella ati"Mu bintu twavuze tuzakora bikomeye harimo no kuganiriza imiryango irimo amakimbirane tukareba ko twabishobora,ubwo mu byo dushoboye tukaba twabaganiriza,twabona bigeze aho bisumbye ubushobozi bwacu tukabigeza mu nzego.Ni ikibazo gikomeye kuko iyo miryango irangwamo amakimbirane niyo izatuma abana bagenzi bacu bashobora kugira imico itari myiza bikuriye ku kuba mu miryango yabo atari byiza,ibyo rero bikaba byadutera ipfunwe ry'uko ntacyo twakoze kugira ngo urubyiruko rwacu dufashe imiryango yarwo kubana mu mahoro".

Mugenzi we witwa Sugira Pascal ati"Tuzaganiriza abantu bafite ibibazo bitandukanye mu miryango birimo amakimbirane yo mu miryango,aya atuma urubyiruko rwishora mu bikorwa bitari byiza nk'ibiyobyabwenge.Birumvikana twe ku giti cyacu turi abana, ariko turimo n'abantu bakuru kandi turi kumwe nanone n'abantu bakuru.Ubwo rero ntabwo tuzajya gucyemura ibibazo by'amakimbirane yo mu ngo turi twenyine.Hari abo turi gukorana bo ku rwego rw'akagari ndetse n'urw'umudugudu,ubwo ni ukwegera abo bayobozi mbese uwo twageraho bakadufasha kumwumvisha ko turi mu gikorwa cyo kunga imiryango ifitanye amakimbirane.Ariko nk'intore tugomba kubikora kuko birahangayikishije".

Umuyobozi w'Akarere Niyonagira Nathalie asaba urubyiruko rugiye ku rugerero kuzakorana umurava kugira ngo bazabashe gusoza ibyo biyemeje ariko abibutsa ko mu byo bazakora byose bazazirikana indangagaciro na kirazira by'ubunyarwanda ndetse bakirinda kwishora mu ngeso mbi. 

Ati: "Rubyiruko rwacu,uru rugerero mugiyemo tubitezeho gukora ibikorwa byiza bihindura imibereho y'abaturage aho mutuye kandi muzirikane ko gukunda igihugu ari ukukitangira ugatanga imbaraga ufite mubikorwa bigiteza imbere".

Akomeza agira Ati: "Ntabwo dukwiye kubona urubyiruko rwishora mu mico mibi nko kunywa inzoga, ibiyobyabwenge, inda ziterwa abangavu [... ],ahubwo mukwiye gukoresha imbaraga mufite muharanira kuzamura imibereho myiza, iterambere n'ubumwe bw'Abanyarwanda".

Mu bindi bikorwa urubyiruko ruri ku rugerero mu karere ka Ngoma ruteganya gukora muri iki gihe kingana n'amezi abiri y'urugerero, harimo kubakira inzu abatishoboye, gukora uturima tw'igikoni, kuganiriza urubyiruko ku kwirinda ibikorwa bitari byiza, kurwanya ibiyobwenge n'ingeso mbi ndetse no gukora n'ibindi bitandukanye bigamije kuzamura imibereho y'abaturage.

Urugerero ku rwego rw'akarere ka Ngoma rwatangiriye mu murenge wa Sake