EgeraUmuturage, intero y'ubuyobozi bw'karere ka Ngoma muri gahunda yo gushyashyanira abaturage,igizwe no kubegera,kubatega amatwi no kubakemurira ibibazo batarinze gusiragira bajya ku biro by'akarere kureba abayobozi bakuru ngo babakemurire ibibazo.

Ni muri urwo rwego,kuri uyu wa Gatatu tariki 9 Ugushyingo 2022,ubuyobozi bw'akarere ka Ngoma bugizwe n'abagize Komite Nyobozi, Inzego z'umutekano n'abakozi b'Akarere, bakoze igikorwa cyo kwegera abaturage bakira ndetse bakemura ibibazo byabo mu murenge wa Rurenge.

Ibibazo byakiriwe birimo ibibazo bishingiye kubutaka,ibibazo by'ingurane k'ubutaka,ibibazo by'amakimbirane ashingiye ku mitungo ndetse n'ibibazo bishingiye ku kutanyurwa n'imyanzuro y'inkiko.Ibibazo byose byakiriwe byahawe umurongo ariko abaturage bahora basabwa kujya banyurwa n'ibyavuye mu nkiko kuko aribwo butwari.

Mu gutangiza iyi gahunda, umuyobozi w'akarere ka Ngoma Niyonagira Nathalie yabwiye abaturage bo mu murenge wa Rurenge ko Ubuyobozi bwaje kubegera ngo bafatanye gusesengura no gukemura ibibazo bafite mu rwego rwo kubishakira ibisubizo.

Ati:"Ntabwo bikwiye kumva ko hari umuturage uhora asiragira kubera ko yabuze Umuyobozi umukemurira ikibazo.Niyo mpamvu twaje hano kugirango twegere abaturage tubaruhure ingendo bakora baza kutureba maze ibibazo byabo bikemukire hafi".

Ubuyobozi bw'akarere ka Ngoma,bwakemuye ibibazo mu murenge wa Rurenge nyuma y'uko kuwa Kabiri tariki 8 Ugushyingo 2022, gahunda yo gushyashyanira umuturage yongeye gusubukurwa aho bwegereye Abaturage mu mirenge itandukanye babakemurira ibibazo birimo iby'ubutaka,Aho ibyangombwa by'ubutaka bigera kuri 391 byashyikirijwe banyirabyo.Iyi gahunda yo gushyikiriza Abaturage ibyangombwa by'ubutaka irakomeje kugira ngo abafite ibyo bibazo bikemuka burundu.

EgeraUmuturage, intero y'ubuyobozi bw'karere ka Ngoma muri gahunda yo gushyashyanira abaturage,igizwe no kubegera,kubatega amatwi no kubakemurira ibibazo batarinze gusiragira bajya ku biro by'akarere kureba abayobozi bakuru ngo babakemurire ibibazo.

Ni muri urwo rwego,kuri uyu wa Gatatu tariki 9 Ugushyingo 2022,ubuyobozi bw'akarere ka Ngoma bugizwe n'abagize Komite Nyobozi, Inzego z'umutekano n'abakozi b'Akarere, bakoze igikorwa cyo kwegera abaturage bakira ndetse bakemura ibibazo byabo mu murenge wa Rurenge.

Ibibazo byakiriwe birimo ibibazo bishingiye kubutaka,ibibazo by'ingurane k'ubutaka,ibibazo by'amakimbirane ashingiye ku mitungo ndetse n'ibibazo bishingiye ku kutanyurwa n'imyanzuro y'inkiko.Ibibazo byose byakiriwe byahawe umurongo ariko abaturage bahora basabwa kujya banyurwa n'ibyavuye mu nkiko kuko aribwo butwari.

Mu gutangiza iyi gahunda, umuyobozi w'akarere ka Ngoma Niyonagira Nathalie yabwiye abaturage bo mu murenge wa Rurenge ko Ubuyobozi bwaje kubegera ngo bafatanye gusesengura no gukemura ibibazo bafite mu rwego rwo kubishakira ibisubizo.

Ati:"Ntabwo bikwiye kumva ko hari umuturage uhora asiragira kubera ko yabuze Umuyobozi umukemurira ikibazo.Niyo mpamvu twaje hano kugirango twegere abaturage tubaruhure ingendo bakora baza kutureba maze ibibazo byabo bikemukire hafi".

Ubuyobozi bw'akarere ka Ngoma,bwakemuye ibibazo mu murenge wa Rurenge nyuma y'uko kuwa Kabiri tariki 8 Ugushyingo 2022, gahunda yo gushyashyanira umuturage yongeye gusubukurwa aho bwegereye Abaturage mu mirenge itandukanye babakemurira ibibazo birimo iby'ubutaka,Aho ibyangombwa by'ubutaka bigera kuri 391 byashyikirijwe banyirabyo.Iyi gahunda yo gushyikiriza Abaturage ibyangombwa by'ubutaka irakomeje kugira ngo abafite ibyo bibazo bikemuka burundu.