Abakilisitu ba kiliziya gatolika muri paruwase ya Kibungo bifatanyije n'ubuyobozi bw'akarere ka Ngoma ndetse na Nyiricyubahiro Cardinal Antoine Kambanda,mu muhango wo gutanziza umwaka w'iyogezabutumwa wahuriranye na Yubile y'imyaka 25 Padiri Mulinzi Didace amaze ahawe Ubupadiri.

Ni mu muhango wabaye kuri uyu wa Mbere taliki  03 Ukwakira 2022, witabiriwe na Nyiricubahiro Cardinal Antoine Kambanda Arikyepiskopi wa Kigali, akaba n'umuyobozi wa Diyosezi ya Kibungo,Umuyobozi w'Akarere ka Ngoma Niyonagira Nathalie n'umuyobozi w'Akarere ka Ngoma wungirije ushinzwe imibereho myiza y'abaturage Mukayiranga Marie Gloriose ndetse n'abandi banyacyubahiro.

Muri uyu muhango wo gutangiza umwaka w'iyogezabutumwa wa 2022/2023 wari witabiriwe n'abakilisitu gatolika bo muri Diyosezi ya Kibungo, hanizihijwe kandi Yubile y'imyaka 25 Padiri Mulinzi Didace amaze ahawe Ubupadiri mu gitambo cya misa cyatuwe Nyiricubahiro Cardinal Antoine Kambanda.

Umuyobozi w'Akarere ka Ngoma Niyonagira Nathalie yashimiye Kiliziya Gatolika uruhare isanzwe igira aho ifatanya n'Akarere mu kuzamura imibereho myiza y'abaturage.

Ati:" Akarere kacu na Kiliziya Gatolika dufitanye ubufatanye muri gahunda zihindura ubuzima bw’abaturage nk'uburezi,ubuvuzi, guteza imbere imibereho y’abaturage, kugira umuryango utekanye bihereye mu miryango remezo; Ubu bufatanye ahanini bugamije kurandura ibibazo bishingiye ku myumvire itari myiza mu baturage, birimo: imirire mibi n'igwingira ry’abana, guta ishuri, amakimbirane mu miryango, isuku, ibiyobyabwenge n’ubuzererezi".

Nyiricyubahiro Cardinal Antoine Kambanda we yavuze ko Kiliziya Gatolika izakomeza gufatanya na Leta mu guharanira gutanga uburere ndetse n'uburezi bufite ireme hategurwa neza umuryango w'ejo hazaza ushoboye kdi utekanye bigahera mu guha uburezi bufite ireme ndetse n'uburere bwiza abakiri bato.

Ati"Ishuri gatolika rigomba kurangwa rero n'imyitwarire myiza y'Abarezi n'abarererwa muri iryo shuri ibyo bikagaragazwa n'indangagaciro z'ubukirisitu.Ubuyobozi bwa Leta bwadusabye kugirango kiliziya gatolika itange umusanzu wayo turavuga tuti turiteguye Kandi natwe byadushimisha,bati gusa mutubwire ibyo mukeneye ntihagire ikizababangamira, mutubwire ibyo mukeneye kugira ngo dutange uburezi bufite ireme Ku buryo bwuzuye.Ubu nibyo biganiro turimo kugira ngo tugere Ku gutanga ibitekerezo, gutanga imirongo yadufasha nka kiliziya kugira ngo dutange umusanzu wacu mu burere bufite ireme".

Akomeza agira ati"Umwana urerewe mu ishuri gatolika akurana indangagaciro Kandi akagira n'ubumenyi bujyanye n'ikiciro agezemo.Ibyo bisaba Abafatanyabikorwa bacu kwita Ku nkingishingiro z'imiyoborere y'amashuri.Nagiraga ngo aha dushimire ubuyobozi bwa Leta hakozwe ibishoboka byose kugira ngo Umwana uri mu kigero cyo kwiga ahabwe amahirwe yo kuba ari mu ishuri ahasigaye dusigare turwana n'abana bata ishuri".

Nyiricyubahiro Cardinal Kambana yasabye abakirisitu bose muri rusange guharanira kugira umuryango utarangwamo amakimbirane ndetse anasaba abapadiri bashinzwe amashuri muri gatolika muri za paruwase kuzagire uruhare mu ishyirwa bikorwa ry'inkingi shingiro,gukurikirana uko amashuri ashyira mu bikorwa intego z'igihe gito n'ikirekire ndetse no gukurikirana uko imyigishirize ihagaze mu mashuri.

Abakilisitu ba kiliziya gatolika muri paruwase ya Kibungo bifatanyije n'ubuyobozi bw'akarere ka Ngoma ndetse na Nyiricyubahiro Cardinal Antoine Kambanda,mu muhango wo gutanziza umwaka w'iyogezabutumwa wahuriranye na Yubile y'imyaka 25 Padiri Mulinzi Didace amaze ahawe Ubupadiri.

Ni mu muhango wabaye kuri uyu wa Mbere taliki  03 Ukwakira 2022, witabiriwe na Nyiricubahiro Cardinal Antoine Kambanda Arikyepiskopi wa Kigali, akaba n'umuyobozi wa Diyosezi ya Kibungo,Umuyobozi w'Akarere ka Ngoma Niyonagira Nathalie n'umuyobozi w'Akarere ka Ngoma wungirije ushinzwe imibereho myiza y'abaturage Mukayiranga Marie Gloriose ndetse n'abandi banyacyubahiro.

Muri uyu muhango wo gutangiza umwaka w'iyogezabutumwa wa 2022/2023 wari witabiriwe n'abakilisitu gatolika bo muri Diyosezi ya Kibungo, hanizihijwe kandi Yubile y'imyaka 25 Padiri Mulinzi Didace amaze ahawe Ubupadiri mu gitambo cya misa cyatuwe Nyiricubahiro Cardinal Antoine Kambanda.

Umuyobozi w'Akarere ka Ngoma Niyonagira Nathalie yashimiye Kiliziya Gatolika uruhare isanzwe igira aho ifatanya n'Akarere mu kuzamura imibereho myiza y'abaturage.

Ati:" Akarere kacu na Kiliziya Gatolika dufitanye ubufatanye muri gahunda zihindura ubuzima bw’abaturage nk'uburezi,ubuvuzi, guteza imbere imibereho y’abaturage, kugira umuryango utekanye bihereye mu miryango remezo; Ubu bufatanye ahanini bugamije kurandura ibibazo bishingiye ku myumvire itari myiza mu baturage, birimo: imirire mibi n'igwingira ry’abana, guta ishuri, amakimbirane mu miryango, isuku, ibiyobyabwenge n’ubuzererezi".

Nyiricyubahiro Cardinal Antoine Kambanda we yavuze ko Kiliziya Gatolika izakomeza gufatanya na Leta mu guharanira gutanga uburere ndetse n'uburezi bufite ireme hategurwa neza umuryango w'ejo hazaza ushoboye kdi utekanye bigahera mu guha uburezi bufite ireme ndetse n'uburere bwiza abakiri bato.

Ati"Ishuri gatolika rigomba kurangwa rero n'imyitwarire myiza y'Abarezi n'abarererwa muri iryo shuri ibyo bikagaragazwa n'indangagaciro z'ubukirisitu.Ubuyobozi bwa Leta bwadusabye kugirango kiliziya gatolika itange umusanzu wayo turavuga tuti turiteguye Kandi natwe byadushimisha,bati gusa mutubwire ibyo mukeneye ntihagire ikizababangamira, mutubwire ibyo mukeneye kugira ngo dutange uburezi bufite ireme Ku buryo bwuzuye.Ubu nibyo biganiro turimo kugira ngo tugere Ku gutanga ibitekerezo, gutanga imirongo yadufasha nka kiliziya kugira ngo dutange umusanzu wacu mu burere bufite ireme".

Akomeza agira ati"Umwana urerewe mu ishuri gatolika akurana indangagaciro Kandi akagira n'ubumenyi bujyanye n'ikiciro agezemo.Ibyo bisaba Abafatanyabikorwa bacu kwita Ku nkingishingiro z'imiyoborere y'amashuri.Nagiraga ngo aha dushimire ubuyobozi bwa Leta hakozwe ibishoboka byose kugira ngo Umwana uri mu kigero cyo kwiga ahabwe amahirwe yo kuba ari mu ishuri ahasigaye dusigare turwana n'abana bata ishuri".

Nyiricyubahiro Cardinal Kambana yasabye abakirisitu bose muri rusange guharanira kugira umuryango utarangwamo amakimbirane ndetse anasaba abapadiri bashinzwe amashuri muri gatolika muri za paruwase kuzagire uruhare mu ishyirwa bikorwa ry'inkingi shingiro,gukurikirana uko amashuri ashyira mu bikorwa intego z'igihe gito n'ikirekire ndetse no gukurikirana uko imyigishirize ihagaze mu mashuri.