Umuyobozi w' Akarere ka Nyagatare wungirije ushinzwe iterambere ry'ubukungu MATSIKO Gonzague yasabye abayobozi b'amakoperative gukora ku buryo abayagize batera imbere kugirango babone inyungu zo kuba bayarimo,binatume n'abandi batayarimo bayayoboka.

Ibi byagarutsweho kuri uyu Kane tariki 28 Ugushyingo 2025 ubwo hizihizwaga umunsi mpuzamahanga w'amakoperative ku rwego rw'akarere ka Nyagatare.

Ni umunsi wahujwe no gushimira amakoperative 4 yahize ayandi mu iterambere ryayo niry'abanyamuryango muri rusange.Ku mwanya wa kane ikiciro cy'ubworozi hahembwe koperative ya Musheri Zirahumuje, ku mwanya wa 3 ikiciro cy'ubuhinzi hahembwe abahinzi b'ibigori CAPUKU.

Ku mwanya wa 2 ikiciro cya serivisi hahembwe Irembo sacco Nyagatare,iyi ni SACCO ihuza Sacco zose zo mu Akarere ka Nyagatare.Ni mu gihe ku mwanya wa mbere hahembwe koperative ya Muvumba P8 rice Grows ihinga umuceri mu gishanga cya Muvumba.

Umuyobozi w'akarere ka Nyagatare wungirije ushinzwe iterambere ry'ubukungu Matsiko Gonzague,yasabye amakoperative gukora neza agateza imbere abayarimo ku buryo bizatera ishyari ryiza n'abandi bataba mu makoperative kugira ngo bayajyemo.

Yagize ati "Hari icyo bisaba abayobozi, hari icyo bisaba abanyamuryango kugirango amakoperative atere imbere.Mu by'ukuri ntabushobozi buto bubaho, ubushobozi ni ugutangira kuba baratangiye n'ibindi bazabigeraho kuko natwe nk'Akarere hari icyo aya makoperative adufasha mu iterambere".

Yakomeje agira ati"Ubu nka koperative yaduhagarariye neza ku rwego rw' intara (koperative Coderevamu), ibyo byose natwe nk' Akarere ni ishema ariko usibye nayo hari n'andi menshi ashobora kuzakora nk'ibi mu bihe biri imbere".

Abanyamuryango b'amakoperative mu karere ka Nyagatare,bashimiye ko Leta itekereza ku makoperative ikanategura umunsi mukuru wayo,bityo ngo hari byinshi baba bigiye kuri bagenzi babo bo mu yandi makoperative.

HAKIZIMANA Berisheba uhagarariye ihuriro ry'amakoperative y'ubukorikori mu karere ka Nyagatare yagize ati"Hari byinshi twungukiye kuri bagenzi bacu bo mu yandi makoperative yiteje imbere kuturusha.Ikindi kandi no kuba hari uburyo tugiye koroherezwa mu guhabwa inguzanyo itunguka cyane, ibyo nabyo hari icyo bizadufasha mu kwiteza imbere".

MUJAWAMARIA Angel umwe mubagize koperative ya Coderevamu yagize ati" gukorera hamwe ni byiza kandi iyo muhuza biba akarusho.Ubu nkatwe twabanje kugorwa no kugira ubuyobozi bubi ariko ibi byose tugenda tugeraho ni uko tuyobowe neza, bimwe mubishobora gutuma koperative itera imbere cyangwa ikadindira mu iterambere ni ubuyobozi bwayo".

Muri rusange ubu mu karere ka Nyagatare habarirwa koperative zikora neza zigera kuri 235.Ni mu gihe izigera ku 100 zakuwemo nyuma y'uko hakozwe igenzura bagasanga ntacyo zimaze ahubwo ari baringa.

Umuyobozi w' Akarere ka Nyagatare wungirije ushinzwe iterambere ry'ubukungu MATSIKO Gonzague yasabye abayobozi b'amakoperative gukora ku buryo abayagize batera imbere kugirango babone inyungu zo kuba bayarimo,binatume n'abandi batayarimo bayayoboka.

Ibi byagarutsweho kuri uyu Kane tariki 28 Ugushyingo 2025 ubwo hizihizwaga umunsi mpuzamahanga w'amakoperative ku rwego rw'akarere ka Nyagatare.

Ni umunsi wahujwe no gushimira amakoperative 4 yahize ayandi mu iterambere ryayo niry'abanyamuryango muri rusange.Ku mwanya wa kane ikiciro cy'ubworozi hahembwe koperative ya Musheri Zirahumuje, ku mwanya wa 3 ikiciro cy'ubuhinzi hahembwe abahinzi b'ibigori CAPUKU.

Ku mwanya wa 2 ikiciro cya serivisi hahembwe Irembo sacco Nyagatare,iyi ni SACCO ihuza Sacco zose zo mu Akarere ka Nyagatare.Ni mu gihe ku mwanya wa mbere hahembwe koperative ya Muvumba P8 rice Grows ihinga umuceri mu gishanga cya Muvumba.

Umuyobozi w'akarere ka Nyagatare wungirije ushinzwe iterambere ry'ubukungu Matsiko Gonzague,yasabye amakoperative gukora neza agateza imbere abayarimo ku buryo bizatera ishyari ryiza n'abandi bataba mu makoperative kugira ngo bayajyemo.

Yagize ati "Hari icyo bisaba abayobozi, hari icyo bisaba abanyamuryango kugirango amakoperative atere imbere.Mu by'ukuri ntabushobozi buto bubaho, ubushobozi ni ugutangira kuba baratangiye n'ibindi bazabigeraho kuko natwe nk'Akarere hari icyo aya makoperative adufasha mu iterambere".

Yakomeje agira ati"Ubu nka koperative yaduhagarariye neza ku rwego rw' intara (koperative Coderevamu), ibyo byose natwe nk' Akarere ni ishema ariko usibye nayo hari n'andi menshi ashobora kuzakora nk'ibi mu bihe biri imbere".

Abanyamuryango b'amakoperative mu karere ka Nyagatare,bashimiye ko Leta itekereza ku makoperative ikanategura umunsi mukuru wayo,bityo ngo hari byinshi baba bigiye kuri bagenzi babo bo mu yandi makoperative.

HAKIZIMANA Berisheba uhagarariye ihuriro ry'amakoperative y'ubukorikori mu karere ka Nyagatare yagize ati"Hari byinshi twungukiye kuri bagenzi bacu bo mu yandi makoperative yiteje imbere kuturusha.Ikindi kandi no kuba hari uburyo tugiye koroherezwa mu guhabwa inguzanyo itunguka cyane, ibyo nabyo hari icyo bizadufasha mu kwiteza imbere".

MUJAWAMARIA Angel umwe mubagize koperative ya Coderevamu yagize ati" gukorera hamwe ni byiza kandi iyo muhuza biba akarusho.Ubu nkatwe twabanje kugorwa no kugira ubuyobozi bubi ariko ibi byose tugenda tugeraho ni uko tuyobowe neza, bimwe mubishobora gutuma koperative itera imbere cyangwa ikadindira mu iterambere ni ubuyobozi bwayo".

Muri rusange ubu mu karere ka Nyagatare habarirwa koperative zikora neza zigera kuri 235.Ni mu gihe izigera ku 100 zakuwemo nyuma y'uko hakozwe igenzura bagasanga ntacyo zimaze ahubwo ari baringa.